Shillong, Nailur 16: Mynta ka sngi 16/Nailur/2026 ha ka sien kaba nyngkong la plie ia ka dukan dih kophi Starbucks ha kane ka nongbah Shillong ha Khyndailad bad kane ka kompeni ka dei na America.
U bah Geoffrey Lyngdoh haba kren ha ki nongwan ia sakhi lang ha kane ka sngi plie ia kane ka dukan kophi ha Khyndailad pyrshah ka ophis jong ka Meghalaya Legislative Assembly la ong ba ka Starbucks ka dang plie nyngkong mynta ha Shillong ia kane ka dukan dih coffee.
La ong ba ka Starbucks kompeni ka don ha bun tylli ki ri ha ka pyrthei kynthup ia ka ri India bad mynta la buh ia kane ka dukan wat ha kane ka nongbah Shillong u la ong ba ka kompeni ka thied ia ki kophi na ki 140 tylli ki ri jong ka pyrthei.
Ha kane ka sngi plie kila don shibun ki riew paidbah kiba la wan ban sakhi lang bad la pyni ruh ha khmat ki paidbah ia ka rukom khleh kophi ha ki rukom bapher bapher naduh ki kophi ba daitthah, kophi khluit ba khleh lang bad ka dud bad kumta ter ter.
