Shillong, Nailur 22: Mynta ka sngi ka kynhun ‘Union of Cook cum Helpers PM Poshan Meghalaya’ kila pynlong ia ka jingiakhih shong kyllain mungor ha khyndailad naduh ka por 10.00 baje mynstep haduh ka por 1.00 baje shiteng sngi ban daw ana ka sorkar pdeng ba kan pyntrei kam ia ka PM Poshan ka jingai ja sngi ia ki khynnah skul bad ban pynkiew ia ka baitrei.
Ka kong Gina Nengnong President ka khynhun haba kren ha ki lat pathai khubor ka long ba lyngba ka All Jaintia Meat Day Meal ha u snem 2019 kila phah ia ka jingthoh sha u myntri rangbah duh jong ka ri ban dawa ban pynkiew ia ka baitrei ba dei ha u snem 2023 kila thaw ia kane ka kynhun ‘Union of Cook cum Helpers PM Poshan Meghalaya’’.
Kum ka kynhun kila phah ia ki shithi ka jong ki sha u myntri rangbah duh jong ka Ri India, sha u myntri ba dei peit ia ka pule puthi bad kum juh sha ka myntri ba dei peit ia ka pla pisa ka sorkar peng ha kaba kila dawa ban pynkiew ia kane ka bai trei ka jong ki ha ka bhah kaba 90% bad 10%.
Ka sorkar jong u Conrad K Sangma ha u snem 2022 kala pynkiew ia ka bhah jong ka sorkar jylla na ka T.100/- tyngka sha ka T.1100/- tyngka, kumba ka long mynta ki ioh T.2000/- tyngka ka bai trei, T.900/- na ka sorkar pdeng bad T.1100/- na ka sorkar jylla.
Kane ka jingiakhih ka jong ki kala sdang naduh ka 1/Nailur/2026 namar ba ka sorkar pdeng ka khlem jubab ia ki jingthoh ka jong ki naduh kito ki snem ki bnai, kila shim ia kane ka rai ba kila sdang ia ka jingkhih naduh 1/Nailur/2026 bad kin pynkut 30/Nailur/2026.
Kane ka jingiakhih ka jong ki kala iaid mynta 22 sngi hynrei ki khlem ioh ia ka jubab bad kane ka jingiakhih mynta ka sngi ka long ban kyrpad ia u myntri rangbah duh jong ka Ri India ba u dang bteng ia kane ka skhim bad ba un pynkiew ia ka baitrei jong ki namar kane ka T.900/- kala neh mynta la 20 snem.
Ka Union ka kwah ban ioh ia ka jubab na u myntri rangbah duh ka Ri India la yn dan bteng ne em ia kane ka skhim ai jaka sngi ia ki khynnah lada u dang bteng ki kyntu ba un ai ia ka jubab bad ban pynkiew iaka bai trei na ka T.900/- tyngka sha ka T.9000/- tyngka.
