Shillong, Nailur 22: Mynta ka sngi 22/Nailur/2026 ki nongshong shnong ka shnong Daistong kila wan ban hajir ha khmat ka Meghalaya Human Right Commission haba iadei bad ka jingujor ka jong ki ia kaei kaba la jia ha katei ka shnong, ha kane ka jingwan ka long ruh ba ai ia ki sakhi.
Hadien ba la ia kynduh bad ka Commission u bah Reachingson Siangshaih aba kren ha ki lat pathai khubor u la ong hadien ba ki nongshong shnong ka Daistong haba kila ioh ia ka jingpyntip na ka MHRC ha kaba iadei bad ka jingujor kaba kila buh ha ka 9/Rymphang/2026 ha kaba iadei bad ka jingpyniaid ka sorkar ia ka jingpynsngap paidbah kaba la long ha ka 19/Nohprah/2025.
Haba iadei bad kane ka jingujor ka Commission kala shong ban bishar ha ka10/Rymphang/2026 bad ha kane ka jingiashong bishar la pdiang ia ka jingujor ka shnong Daistong ki bym ioh ban leit sha ka jingpynsngap paidbah bad naduh katei ka por ka commission kala shong bishar la kumba hynniew ne phra sien haba iadei bad kane ka jingjia.
Kane ka dei ka sien kaba nyngkong kaba kila shah khot hajir ba kin wan mih da ki briew bad na ka liang jong ki ruh ki dang ap ia ka rai kaei ka ban mih na kane ka jingphah wan ia ki nongshong shnong ka Daistong da ka Commission bad kumba phi la iohi ha ki lat pathai khubor ka long kumto hi ong u bah Reachingson ha kaen ak sngi la synran lang ruh ia ki da ki dkhot ka KSU.
