Shillong, Risaw 02: Mynta ka sngi dang step ki briew kiba ym lah ban tip kila tah ia ki poster ha sawdong ki kynroh ka Motphran kaba don ia ka dur jong u myntri kam poh iing ka sorkar jylla u bah Prestone Tynsong bad ia u Superintedent ki pulit ka East Khasi Hills District u bah Vivek Syiem, IPS.
Ha kane ka poster ki don ar tylli ki dur kawei kaba shajrong ka pyni ba u briew u sei pisa na ATM bad kaba shah poh la buh ia ka dur jong ka Trok bad don u briew bakiew, ka dur jong u myntri kam poh iing ka jylla bad ka dur jong u Superintendent ki pulit ka East Khasi Hills District.
Ki nongleit nongwan namar ka Motphran ka dei ka jaka pdeng kaba ki paidbah ki iaid ki ieng, kila peit ia ki dur bad ki iaid noh la ka lynti, ki don ruh ki dur kiba la shah tar bad kane ka jigntah dur ka long ha sawdong jong ka Motphran ha khmat ki dukan jong briew ruh.
Ka jingtah ia kine ki poster kala jia dang step ha kaba ki briew kiba ym lah ban ithuh kila tah bad ha dien ba kila dep ban tah kila leit noh la ka lynti ka jong ki bad haba la dei ka por ba ki paidbah ki leit laki kam ki jam haba iaid lynti ki shu ia peit ia ki poster.
