Shillong, Risaw 01: Mynta ka sngi 01/Risaw/2026 ka tnad Social Welfare kala rakhe pyndonburom ia ka “International Day of Older Person 2026’’ ha State Convention Centre ha kaba ki riew tymmen kila wan ban ia shim bynta ha kane ka jingleh burom.
U bah Paul Lyngdoh MLA ba dei ruh u nongaibuit ia ka tnad Social Welfare u la ong ba kum ka tnad sorkar kala pyndonburom ia ki riew tymmen ha kum kane ka sngi bad u ong ba ka jingburom ia ki mei ieid pa ieid ka dei ban wanphai biang.
Ha kane ka sngi u bah Paul u la ong ba to ban pynim biang ban burom ia ki riew tymmen ki san, ki khynnah samla ki lah ban tip shibun ki jingtip hynrei u rangbah u tymmen u san ki lah ban nym tip shibun hynrei ki don pat ia kawei ka bynta kata ka dei ka jingshemphang.
Ha kane ka sngi u bah Paul u la kyntu ban iamir lang ia ka jingkhlain bor jong ki samla bad ka jingshemphang jong ki riew tymmen haba buh lang ia kine yn ioh ia ka jait bynriew kaba koit kaba khiah bad ai kane ka jingleh burom kan nym kut tang hangne hynrei ban rah ia kane ka khubor sha kylleng sawdong.
Ha kane ka sngi u nongaibuit ka tnad Social Welfare u la ong ba ha ka rta jinglong tymmen hap ban mad bad ban ialeh bad ka jingpyllut ha ka dawai dashin namar ki briew ki kwah hi ban long kiba koit ba khiah haba leh kumta ki pyndonkam ia ki jingdih kiba bun rukom hynrei ka jingkylli ka long hato ka dei mo kata ka rukom ban leh.
Ha kane ka sngi ka ophis jong ka District Social Welfare East Khasi Hills ha ka jingiatreilang bad ka District Legal Service Authority kala rakhe pyndonburom ia ki riew tymmen ha ka jingialang kaba la pynlong ha iing dorbar shnong Mission Compound Shillong.
