Nongstoin, 04: ka iing bishar jong ka District bad Session Judge, West Khasi Hills District, Nongstoin kala rai pynrem ia u bah Banphrangkupar Nongbri ha kaba ia dei bad ka jingshah pyniap ar ngut ki briew ha Nongstoin ha ka 24/ Nailar/ 2021.
Ka Police Station Nongstoin ha ka 24/08/2021 kala ioh ia ka jingujor eajahar ba ka kmie 79 snem jong u nongujor kala iap ha jingbuum bad ia ka met iap jong kaba trei iing la lap na kamra thiah bad la suba ba kine baroh ar ngut dei ba ki shah pyniap da ki briew kiba ymlah ban tip.
Haba la ioh ia kane ka ejahar ki pulit jong ka Nongstoin Police Station kila register ia ka ejahar Nongstoin P.S. Case No. 54(08)2021 hapoh ka kyndon 302/34 IPC bad ia kane ka jingshah pyniap kine ki ar ngut ki kynthei briew, ha kane ka jingtohkit la kem ia u bah Banphrangkupar Nongbri bd haba la dep ban pynbiang ia ki sabut la Nishan ia u tei u briew hapoh ka kyndon 302 jong ka IPC.
Ka iing bishar jong u District bad Session Judge, West Khasi Hills District, Nongstoin, ha ka 30.09.2026, la shongbishar bad ha kane ka jingshong bihsar la rai pynrem ia u Banphrangkupar Nongbri bad ba un shong ha phatok katba u dang im bad ka kuna T.1,00,000/- na ka bynta kawei kawei kaba khlad hapoh ka U/S 302 IPC.
