Shillong, Risaw 04: U bah John Kharshiing u la ai da ka jingthoh sha u MP ka Rajya Sabha u James K Sangma ba un ia kren bad ka sorkar pdeng ban wan rah ia ka jingpynkylla ia ka Artikle 338 bad 338A kaba iadei bad ka Schedule Tribe ha ka riti synshar ka Ri India.
Kane ka dei halor ka jingai jingmut jong ka SC bad ST Commission ha u snem 1997 -1998, ha kaba ki riewlum kila phah ia ka jignthoh ha u snem 2010, 2012 bad 2015, ba kin leh ei ei ha ka por ba biang bad phah ia ka kaiphot sha ka National Commission for Scheduled Tribes (NCST) ha Parliament bad jingbatai kaei kaba la leh.
Ia kane ka jingdawa la kyrshan ia ka National Commission na ka bynta ki Scheduled Castes bad Scheduled Tribes kaba mynshuwa ha ka snem 1997–1998 bad ka ka kaiphot la rah hapoh baroh ar tylli ki iing dorbar Parliament bad ban ioh ia ka jingmynjur President ka Ri India hapoh 6 bnai ia kane lah ban leh da kaba pynkylla ia ka Artikle 338 ka Riti Synshar.
Ha kane ka jingthoh kaba la ai sha u MP Rajya Sabha la kdew ba kala don ka jingiakren ha u snem 2015 bad myntri ka sorkar pdeng ba dei peit ia ka tnad ki rit paid bad shongknor Parliamentary Standing Committee kaba peit ia ki SC bad ST, hynrei haduh mynta ym pat lah ban pynkylla ia ka Artikle 338 bad 338A ban buh ia ka por ban phah ia ka kaiphot ha Parliament.
U bah John la ong ba kane kam ktah tang ia ki riewlum ha Meghalaya hynrei ka ktah ia baroh ki riewlum ha ka Ri India,la kyrpad ia u MP ba un iakren ia kane ka bynta hapoh Parliament hakaba ia dei bad kane ka bynta kaba ktah ia ki riewlum.
