Shillong, Risaw,13: Mynta ka sngi 13/Risaw/2026 ka seng Khasi Student’s Union ka shnat Nongpoh kala ia kynduh ia u Deputy Commissioner ka Ri Bhoi District halor ka jinglip light kaba la palat.
Haba kren ha ki lat pathai khubor hadien ka jingiakynduh ia u Deputy Commissioner u samla Baiaishan Kharshanlor General Secretary u la ong ba ha u snem 2012 la ong ban buh noh ia ka station kaba 132 kv ha Nongpoh.
Naduh kito ki snem ka seng kala iai bud dien bad mynta ka sngi ruh kila wan ban bud dien hynrei haduh mynta kim pat ioh ia ka jubad bad ha kane ka jingiakynduh na ka liang jong u DC u la iathuh ha ki dkhot ka seng ba u la dep phah sha ka MeECL kaba don ha Nongpoh bad shen un sa ioh ia ka jubab.
Na ka liang u DC u la ong ba ynda la ioh ia ka jubab na ka MeECL un sa khot ia ka seng ban ia kren na ka liang ka seng kala ong ia u DC lada u khot ia ka jingialang u dei ban khot lang ruh ia ki briew jong ka MeECL khang ba kin ioh ban ia kren mar khmat khnang ba kin lah ban weng ia ki jingwit lada ki don.
Ha kane ka sngi kala ia kren ruh ia ki jingeh ki samla pule kumba la iohi ha kine ki taiew kiba la dep ba ka light ha Nongpoh ka lip ka meh la kumba ialehkai ia rieh bad la ia kren ruh ia ka jingpynshlur ka sorkar ban seng kam seng jam la jong hynrei ha bym don ka light kaba tikna kumno kin lah ban seng ia ki kam ki jam la jong.
U nongialam ka KSU u la ong ba ha kine ki shi bnai ar bnai mynta ki samla pule kin sa pynkhreh ia ka exam jong ki lada ka light ka lip ka meh kan long ka jingpynwit ia ki samla pule bad lada jia ba ki sah klass kan pynsepei ia ka jingpynlut ki kmie ki kpa.
