Shillong, Risaw 18: Ki paidbah nongshong shnong ka jylla Meghalaya mynta u snem 2026 kila sdang ban sngewthuh ia ka jingduna jong ka jingwan jong u slap, ha kaba ki paidbah ka Sohra, Mawsynram, Mawkyrwat bad ka Pynursla kila ud ia ka jingduna slap.
Kane ka jingduna slap kala wan rah ia ka jingduna ki um ha ki wah bad kane kala buh ia ka sorkar ha ka jingeh kaba khraw kumno ban ia khun pyrshah ia kane ka jingduna ka jinghap jong u slap namar ka um ka long ka jingim ia u khun bynriew. Ka jingduna slap mynta u snem ka long kumba 60% ei ei.
U myntri rangbah ka jylla u Conrad K Sangma u la iohi ia kane ka jingeh bad dei halor kane ba ha kine kin snem kiba la dep ka sorkar kala thaw ia ka Water Policy bad kane ka dei kaba nyngkong eh ka Police ha ka Ri India.
Ka sorkar kala buh ia ka thong kaba ha khmat eh ban ia leh ban pynneh ia ki um kiwah da kaba shna ia ki jingpynlang um ha ka jingiatreilang bad ki shnong kithaw ha kylleng jong ka jylla bad kine ki jingtei kila sdang ban paw bad kylla ruh ki jaka jngohkai pyrthei.
