Shillong, Risaw 18: Na ka ophis jong u Superintendent ki pulit ka East Khasi Hills, Shillong, u Dr. Hari Prasanth M. R., IPS,u la ong ba ha kane ka jingrakhe iaka Durga Puja kaban sdang naduh ka 17 haduh 20 Risaw, 2026, kaba bud da ka jingbret blei ha ka 21/Risaw/2026 bad ka jingdon bun ki kali bad ki briew ba iaid ha kylleng ka nongbah Shillong, te kumta ki pulit pyniaid kali kila kyrpad ban bud ryntih iaka rukom pyniaid iaki kali da ka Shillong Traffic Police (STP) ha kum kane ka por.
Ka STP kaba la pyniaid ka kynthup iaki bynta jong ka jingpyrkhing jong ka NO ENTRY bad la buh da ki dak bym shah ieng kali khnang ban iaid beit iaid ryntih ka rukom iaid ki kali ha kane ka jingrakhe iaka Durga Puja. La bynrap ba yn nym shah ban ieng bad sangeh iaki kali jngai na ka 100 metar na ki jaka ba buh iaki pandal Puja. Lada lap iaki kali kiba pynkhein iaka ain, kin shah ot challan, clamp lane yn weng noh iaki kali katba lah katkum ka ain.
Ha kaba iadei bad kane, la kyrpad iaki paidbah ba kin bud ia kane ka jingpyniaid kali, khnang ban lait na ka jingdheng kali ha kane ka nongbah, ki dei ban pynieng iaki kali ha ki jaka ba buh iaki dak bad bud ryntih iaka rukom pyniaid iaki kali.
Lada don kino kino kiba donkam ka jingiarap ne jingpynshai, ki paidbah ki lah ban pyntip sha ka Shillong Traffic Police (STP) bad lah ban phone sha kine ki nombar harum.
