Shillong, Risaw 18: Ka jingkieng iaid kali kaba la sdang ban shna ha ka wah Khasiamara baba don ha Ryngku ban pyniaisoh bad ka Balat kala sateng mynta la jan ar snem ka jingtrei kala sangeh khlem trei shuh.
Katkum ki thymmei khubor kiba la ioh da u SP News Agency ki iathuh ba ka PWD kala dep ban ai kontrak ban sdang ia ka jingshna ia kane ka jingkieng hynrei la kynnoh ba ka don ka jingbakla ha ka jingdro kumta la hap ban sangeh bad ban dro kawei pat.
Kane ka jingkieng ka long kaba don kam namar ka dei ha khappud bad ka Bangladesh, ki paidbah kiba don sha Ryngku ki shem jingeh ban leit sha shiliang ka shnong kaba dei ha Ryngku hi namar kam don jingkieng kane kala buh ki paidbah ha ka jingeh.
Kane ka jingkieng ka pyniasoh ia ki shnong kiba don da ki phew tylli sha sep ngi jong ka shnong Ryngku bad ki shnong kiba don sha mih ngi ka Hat Ryngku, haba la sdang ia ka jingshna ki paidbah kila dap da ka jingkmen hynrei mynta kala sangeh.
Ka jingdon kam kane jingkieng ha wah Khasiamara ka dei ruh na ka bynta ban pahara ia u pud u sam bad ka Bangladesh, ban poi sha hat Ryngku da ka kali hap ban kiew sha Mawsynram bad hiar sha Ryngku namar ymdon lynti da kiwei.
