Shillong, Risaw 20: U Myntri Rangbah ka jylla u Conrad K Sangma mynta ka sngi haba plie ia ka jaka pynkhuid bad thep ia ka Umngap ha Mellim ha South West Garo Hills District la ong ba ka ngap ka Ngap na Meghalaya ka dei kawei na kiba bha tam ha ka pyrthei.
Kumba ka long mynta ka jylla Meghalaya ka don ia ka kabu ba lah ban ri Ngap bad haba tehp bha ka iew ka don ban die ia ka Umngap, la ong ba ka sorkar jylla ka don ka jingthmu ban shna ia ka “Bee Museum” ka jaka ban batai haba ia dei bad ka kamri ngap.
U myntri rangbah la ong ba ka jingdon kane ka jaka ban pynkhuid ia ka Umngap kan kham pynioh ia ka dor ha iew ha hat ha dien ba la pynkhuid bad thep bha bad kane long ruh kawei na ka jaka ban kyntiew ia ka ioh ka kot jong ki paidbah ha ki nongkyndong.
U myntri rangbah u la ong ba ka jingiarap ia ki nongri ngap kam dei ban kut tang ha kaba sam ia ki ksing ngap, hynrei dei ban peit ban ioh ia ka ngap kabab ha, ka jingpynkhuid kaba katkum kane ka juk kaba mynta, ka jingthep kaba biang bad ban pynioh ia ka iew ban die ia ka Umngap.
La iathuh bai a ka “Apiculture Mission 2.0” la pyntrei kam ha baroh 12 tylli kiDistrict jong ka jylla bad ki jak aba pyntrei kam ki don 78 tylli kum ki kynhun bad 6491 ngut ki nongri ngap ha kajylla.
Ka sorkar kala sam 32,455 tylli ki ksing ri ngap bad la ai 6491 tylli ki tiar ban khlong ia ka Umngap, u wei u nongri ngap u ioh san tylli ki ksing bad kawei ka riam ban khlang ngap, ia thuh ba na ki 39 tylli ki jaka ri ngap la ioh 157.69 Mt ka Umngap ha u snem 2024-25 bad ka ngap kaba ioh na Meghalaya ka dei ka ngap paka, ha kane ka sngi la don lang u Sanjay Sangma, u Subir Marak, ka Mehtab Chandee Sangma baroh lai ngut kine ki dei ki MLA.
