Shillong, Risaw 20: U Dr. Mukul Sangma nongialam ka liang pyrshah MLA ka Songsak bad dei ruh u MLA barim ka Ampati mynta ka sngi u la leit ban ia shim bynta ha ka jinglehniam Durga Puja kaba 73th ha Ampati bad u la ai khublei ia ki paidbah ha kane aiom leh kmen ha ka sngi Nyngkong.
Ha kane ka jingleh kmen kala don ka jingpyni ia ki shad tynrai kiba bunrukom,kaba kynthup ia ka jingialehkai drama, ki jingshad bad ki jingiakop kynti kane kala wan rah ia ka mynsiem ialehkmen leh sngewbha ha ki jingiakop ba bun rukom.
Kane ka jinglehniam ymdei tang ba ki don ki jingialehkai bad ki jingpyni ia ki shad tynrai hynrei ka plie ka lad ruh ia ki kynhun nongrwai ba kin pyni ia ki sap ki phong kaba ki don bad ia ka jingdon ki riti dustur kiba la pynneh pynsah da ki briew.
