Shillong, Risaw 22: Ka State Bank jong ka Ri India, ka shnat Umsning ha ka jingïatreilang bad ka Sorkar Meghalaya, ka Reserve Bank of India ka NABARD bad kiwei pat ki tnat treikam ha ka liang ka pisa, Mynta ka sngi ka la pynlong ia ka jinghikai kumno ban kunai pisa bad ban pyniar ia ka jingtrei kam haba ia dei bad ki skhim ka sorkar ban ia rap ia ki paidbah.
Ia kane ka jingialang ka lei ka jingthmu ban pynsngewthuh paidbah shaphang ki jingshakri jong ka Bank bad ki skhim jingïarap bapher bapher jong ka Sorkar, khamtam eh sha ki paidbah kiba dang duna ka ka ioh bad la pynshai ruh halor ki skhim kongsan jong ka Sorkar.
Kine ki skhim kiba kynthup ia ka Pradhan Mantri Jan Dhan Yojana (PMJDY), Pradhan Mantri Suraksha Bima Yojana (PMSBY) bad Atal Pension Yojana (APY). Kiba kine ki skhim ki thmu ban pynsuk ia ki paidbah ban plie bad pyndonkam ia ki account Banking, ban ioh jingpynshngaiñ lyngba ka insurance bad ban pynbeit lypa ia ka jingïoh pension ha ka lawei jong ki paidbah.
Ha kane ka jingialang la wanshim bynta da u Bah Rocky Kylla u ba dei u shongknor ka Umsning Town Dorbar; u Olden Nongpluh u ba dei ruh u General Manager bad Officer-in-Charge ka RBI Shillong u Abraham Selvin u ba dei General Manager ka Network baar jong ka SBI.
Kiwei ki long u Rvantlius Kharbyngar u Director of Institutional Finance bad Ex-officio Joint Secretary jong ka tnat Finance Sorkar Meghalaya u Bah Shri Madras Dkhar Assistant General Manager jong ka NABARD ki Rangbah Shnong lem bad ki riew paidbah.
