Shillong, Naiwieng 03: Mynta ka sngi 03/Naiwieng/2026 ka United Democratic Party ha ka jingialang ba kyrkieh jong ka Central Executive Committee hadien ba kala ia thir haba iadei bad ka sain pyrthei kila shim ia ka rai ban kyntu ia u MLA ka party ba marwei ba un weng noh ia ka jingiatreilang na ka sorkar MDA.
U Bah Titosstarwell Chyne General Secretary ka party ba dei u MDC haba kren ha ki lat pathai khubor ha ophis treikam jong ka party u la iathuh ba la khot ia ka jingialang ba kyrkieh jong ka CEC, ha kane ka jingialang u President u bah Metbah Lyngdoh u ba dei u MLA u la pynshai ia ki daw jong ka jinghiar shuki noh jong u na ka kam myntri ia kaba la pdiang ruh da u myntri rangbah ka jylla ia kaba ka party kala leit ban ai jingkyrshan ha u snem 2023 da ka jingkhot jong u myntri rangbah ka jylla.
Ha kane ka sngi kila iakren sani la ka party kan dang bteng ne em ban iatrei lang bad kane ka sorkar MDA hadien ka jingiakren kaba sani kala shim ia ka rai kaba la ai ia ka jingiatreilang naduh u snem 2023 bad mynta kala kyntu ia u MLA ba marwei ban weng noh na ka jingiatreilang bad ka sorkar MDA.
Ha kane ka jingialang kila ia kren ruh ha kaba iadei bad ka elekshon MDC sha Garo Hills ia kaba kila pynbna ia ka kyrteng mynshuwa hynrei mynta namar ba kan don ka jingpynwandur thymmai ia ki MDC konstitwensi ki hap ban weng shuwa ia kato ka jingpynbna kaba mynshuwa.
Ha kane ka jingialang la ai bor ia ka Committee ban pynthymmai ia ki nongkitkam ha kito ki konstitwensi kiba ki MLA kila mih noh na ka party.
