Shillong, Naiwieng 16: Mynta ka sngi ka seng samla pule ka Khasi Student Union jong ka Nongmynsong Unit kila ia kynduh ia u Chief Engineer ka tnad PWD ba dei peit ia ka surok haba ia dei bad ki surok shnong kiba la don kam shisha ban pynbha noh namar kila sniew sha ba palat.
Ha dien bala la ia kynduh ia u Chief Engineer ka PWD u samla Jeremaiah Pohthmi Presdient ka KSU Nongmynsong haba kren ha ki lat pathai khubor u la ong ba ka jingsniew jong ki surok kala buh ha ka jingma ia ki nongleit nongwan ruh kiba iaid ha kito ki surok.
La ong haba peit ia ka surok bah ha Nongmynsong ka long kaba la itynnad shisha hynrei ki surok shnong ki long kiba sniew haduh katta katta bad kane kala pynlong haduh ki nongshong kim lah shuh ban set ia ki kali jong ki ha la ki jong ki phyllaw iing.
Haba ia dei bad ka jingsniew ki surok ha shnong Nongmynsong ki paidbah kila ud sha ka seng bad kum ka seng kila leit ban jurip bad ki ioh ba ki surok kila don kam shusha ban pynbna noh na ka liang jong ka PWD.
Ka jingdon ki surok shnong ki don haduh 25 tylli ei ei baroh bad na pdeng kita ki don san tylli ei ei ki bym long shuh ban iaid ban ieng bad ka jingleit jurip kala long saw san sien ei ei hynrei haduh mynta ki dangpra, na ka liang jong u Chief Engineer u la ong ba la dep ban khot tender ban maramot noh ia ki surok.




