Ka ‘AIR Rising Stars’ ban ai iaka rynsan ia ki samla ba don sap ha karwai katem

New Delhi, Naiwieng 16: Ha kawei ka jingthmu ba kongsan ban pynshlur iaki sap tem sap put ha ki samla bad ban pynneh pynsah iaka pateng jong ka tynrai kaba riewspah bad kaba pher jong ka Ri India, ka Akashvani ka pynbna iaka jingplie jong ka kynti kaba nyngkong jong ka “AIR Rising Stars”, ka kynhun iakob tem put kyrpang da ki nongtem kiba dang hapoh 30 snem ka rta.

Kane ka kynti kaba nyngkong jong kane ka lehkmen tem kan long ha ki 26 tylli ki jaka ha ka ri naduh ka 17/Naiwieng haduh ka 30/Naiwieng/2026. Kitei ki jingtem kin ai iaka madan kaba kyrpang ha ka ri baroh kawei ia kine ki nongtem kiba dang mihkhmat ban pynpaw ia la ka sap bad ban iadei bad ki paidbah kiba bun.

The initiative is being undertaken as part of the celebrations marking 90 years of Akashvani and reflects its continued commitment to identifying, nurturing and promoting musical talent across generations. AIR Rising Stars seeks to carry this legacy forward by placing the spotlight on the next generation of performers.

Ha ka concert, yn sa don ki nongrwai ba dang samla jong ka Akashvani kiba hapoh 30 snem ka rta, kiban sa mihkhmat iaki jait jait jingrwai bad ki rukom tynrai jingrwai. Ha kito ki khep ba ki samla nongrwai kiba la ioh kyrdan kiba biang kim don ha kawei ka bynta, ki samla nongrwai kiba khlem ioh kyrdan kiba dei hok ruh ki lah ban ioh iaka kabu, katkum ki jinghikai kiba la buh bad ka jingjied da ka Steshon Akashvani kaba dei peit.

Katba ha ki concert, yn sa pyni iaka jingiphuh iphieng bad jingiar jong ka riti dustur ha ka put ka tem jong ka ri India lyngba ki sur jingrwai Hindustani Classical, ki sur jingrwai Carnatic Classical, ki sur jingrwai light bad ki sur tynrai, ki sur jingtem sepngi bad kiwei kiwei ki jait sur jingrwai na ki thain bapher bapher, katkum ka jingbiang bad jingiahap jong ki steshon ba iashim bynta.

Yn sa pyniaid ha kine ki concert da ka jingiashim bynta haduh 26 tylli ki steshon Akashvani ha Shimla, Dehradun, Delhi, Lucknow, Varanasi, Jaipur, Jalandhar, Suratgarh, Hyderabad, Vijayawada, Dharwad, Bengaluru, Mysuru, Madurai, Thiruvananthapuram, Tiruchirappalli, Kolkata, Imphal, Mumbai, Ahmedabad, Sangli, Nagpur, Puducherry, Jammu, Guwahati bad Rampur.

Man kawei pa kawei ka steshon kan sa pynlong ia kane ka concert ia rwai bad tem ha ka jaka ba biang, ha kaba yn sa rwai da ki samla kiba tbit napoh katei ka jaka. Ki briew kiba paw khmat, ki nongstad ha ka jingtem jingrwai, ki khynnah skul bad ki paidbah ruh kin shah khot sngewbha ban pynshlur iaki nongishim bynta, khnang ba kane ka prokram kan long kaba bakhraw ha kylleng ka ri iaka sap tem sap rwai jong ki khynnah samla.

Kawei na kaba kongsan jong ka AIR Rising Stars: Season-1 kan long ka jingpynbna bad ka jingkylla digital kaba kylleng ka ri, kaba pynpoi iaki jingialehkai jong ki samla nongpynbyrngia shabar ki jaka pynbyrngia sha ki paidbah ha kylleng ka ri. Ia kine ki concert yn pynbna lyngba ka network jong ki Steshon Akashvani bad yn ioh ruh iaka jingkylla lyngba ka Doordarshan, ha ka channel YouTube ‘Raagam’ jong ka Akashvani, ki channel YouTube jong 26 tylli ki Steshon Akashvani, ka mobile app ‘NewsOnAir’ bad ka platform ‘WAVES OTT’ jong ka Prasar Bharati. Kane ka rynsan pynbna kaba la pyniasoh kan ai iaki nongiashim bynta ka kabu kaba bakhraw ban iohi iaki lyngba ka radio, ka TV bad ki rynsan digital.

Kan sa don ruh ka jingsam khusnam bad ki syrnod sha ki nongiashim bynta kiba lah ban poi sha ka kyrdan ba nyngkong bad kiba ioh bun ki nongpeit ha ka rynsan YouTube hapoh ka 15/Kyllalyngkot/2027. Ki khusnam ba poi ha ka kyrdan ba nyngkong kin ioh T. 20,000, kyrdan ba ar kin ioh T. 15,000 bad ba wan ba lai yn ioh T. 10,000.

 

What Next?

Recent Articles

Leave a Reply

Submit Comment

*