Shillong, Naiwieng 16: Mynta ka sngi ka tnad iada ri bad ka tnad ba peit ia ki riew tynmen kila ia soi ia ka soskular ban pynbha shuh shuh ha kaba peit ia ki riew tynmen kiba sah ha ki jaka jong ka Kantonment kiba don ha kylleng ka ri.
Da kane ka jingiasoi ia ka soskular yn lah ban peit ia ki riew tynmen ha ka por sngi bad ha ka juh ka por ban ai jinghikai ia ka soskular la soi ha kaba la sakhi lang u mytnri iada ri u Rajnath Singh bad u myntri ba peit ia ka bha ka miat ki riew tynmen Dr Virendra Kumar.
U myntri iada ri u Rajnath u la ong ba kane kam dei tang ba ki niew ia ki kum kiba ha iing ha sem, hynrei ka pyni ia ka jinglong tynrai ka jingiakit ia bahlang ha ka imlang sah lang bad lyngba ka jingsngewthuh ka jong kan ialam ia ka ri kham sha jrong ha kaba yn sa rakhe ia ka jingdap 100 snem ka jinglaitluid ha u snem 2047.
Katba ka jingkyrshan ia ki riew tynmen la dang pynbha namar por sha ka por hynrei dang don kam pat ban dang kham pynbha na kaba la don bad ha ka juh ka por u la ong ba kin peit hangno dang don kam ban pynbha shuh.
Ha ka jingkren u myntri ba peit ia ki riew tynmen u la ong ba ka dei kam ka jingki ban dang pynbha ia ki lat ai jingsumar kynthup ia ka Atal Vayo Abhyuday Yojana (AVYAY), kane ka long ban kham pynbha ia ka jingim jong ki riew tynmen.
Kane ka soskular kaba kila ia soi mynta ka sngi kan iarap ia ki riew tynmen kiba shong ba sah ha ki jaka kiba hap ha ka jingpeit jong ka Kantonment ba kin ioh ia ka jingsumar kabab ha la ong ba ki riew tynmen ki don ia ka jingshem phang.
Ha kane ka sngi la don lang u Rajesh Kumar Singh u Secretary ka tnad iada ri u secretary ba peit ia ki riew tynmen u Sudhansh Pant, ka Director General, ka tnad iada ri ka Shobha Gupta bad kiwei ki heh sorkar kila donlang.




