Shillong, Iaiong 02: U Superintendent jong ki pulit ka East Khasi Hills District u la ong ba u snar lehnoh jong ka seng HNLC u ba la kem na Kolkatta la ithuh kum u Phyrnailang Swer. Une u lehnoh u la lait phet na ka hospital NEIGRIHMS ha ka 17.07.2013.
Na duh katei ka sngi na ka liang jong ki pulit kila wad ia u bad ha dei ban kila ioh ia ka jingtip ba u don ha Kolkatta ki pulit kila ai jingtip sha ki pulit jong katei ka nongbah bad ha kane ka jingbud dien kila lap bad kem ia u na kawei ka jaka Chittaranjan Avenue.
Ryngkat bad u ne u dkhot jong ka seng HNLC la kem ruh ia u Nand Kishore Thakur ia ki la kem ha ka 1 tarik mynta u bnai. Ki pulit jong ka nognbah Shillong kila hiar sha Kolkatta ban leit shim ia u tei u dkhot jong ka seng HNLC.
La kem nyngkong ia u Phyrnailang Swer lem bad ki wei de ha ka 13.08. 2004 ha dien ba u la seng ia ka Indigeneous United Forum (RIUF) la pyngat ia u ha ka kyndon MPDA ha dien ba u la lait na kane ka jingshah teh u la trei bad ka seng lehnoh HNLC.
Kane ka jingioh kem ia u tei u snar lehnoh jong ka seng ka long kaba don kam ha kaba ki ioh ban tohkit ia u ha kaba ia dei bad ki kam kiba ka seng HNLC ka trei mynta.(SP News)