Tura, Jymmang 17: Ka Balang katholik kala shim ia ka rai ba ha ka 20 tarik mynta u bnai kin khang lut ia ki skul jong ki ha baroh kawei ha Garo Hills ban pyrshah ia ka jinghukum jong ka seng lehnoh ban siew ia ka pisa ha katei ka sngi kumba kila dawa san lak tyngka.
Haka 14 tarik mynta u bnai ka catholic mission ha Ampati, kala shah dawa pisa san lak tyngka ha kawei ka seng lehnoh bad kila buh por ba ka 20 tarik ka dei ka sngi ba khot duh ban siew ia kane ka pisa. Ha kane ka sngi ka balang kala shim ia ka rai ban khan glut ia ki skul ban pyrshah ia katei ka jinghukum ka seng lehnoh.
Na ka liang jong ka Balang ha ka jingpynlait khubor mynta ka sngi na iing bishop jong ka Tura la ong ba kane ka jingleh jong ki lehnoh ym ba ka ktah tang ia ka balang hynrei ka wanrah ka jingkiew dor ha baroh bad ka jingbym shong suk ha ka jylla.
Na ka liang jong ka Balang kala shim ia ka rai bad a lei lei kin nym siew ia ka pisa sha ki nongdawa la ki dei ki riew shim kabu ne ki seng lehnoh. Ka balang ka don ban shakri ia ki paidbah. Na ka liang jong ka Balang ka kyrpad ia ki paidbah ban ia shnoh kti lang ha kane ka bynta.(SP News)
