Shillong, Lber 11: U Abu Taher Mandal mynta ka sngi u la sah haka history jong ka jylla Meghalaya ba u la dei u speaker u ba khatsan jong ka jylla Meghalaya Lehislative Assembly bad u long u ba nyngkong ban ioh shong ha kane ka shuki na pdeng ki byndei na ki riewlum.
Naka lliang jong ki dkhot ka iing dorbar kiba la don mynta ka sngi hapoh ka iing dorbar ha ka jingkren ai khublei ki la pynpaw ia ka jingsngewnguh ka jong ki ia u kum u speaker ba thymmai bad ha ka juhka por ki la kyntu ba kum u spekar u hap banpeit bad pyniaid ia ka iing dorbar khlem da don ka jingiashah liang.
Na ka liang jongu Mandal ha kren ai khublei ia ki dkhot jog ka iing dorbar u la ong ba na kaliangjong u ialeh katba lah ban pyniaid ia ka iing dorbar khlem da thewshiliang, u la ai khublei ia baroh kiba la kren ha kane ka jingpynkup burom ia u ba don ha kane ka shuki speaker.(SP News)
