Shillong, Iaiong 17: Ka tand art bad Culture jong ka KHasi Hills Autonomous District Council (KHADC) ka la buh ia ka thong ba ia kane ka “ Khasi Heritage Village” kaba la shna mynta ha jan jong ka lawkyntang lyngdoh Mawphlang ba ka dei ban dep ha u Naitung.
Katkum ki khubor kiba la lah ban ioh da u SP News Agency la ong ba ka daw jong ka jingslem ban pyndep ia kane ka jingtei ia ki iing khasi hyndai ka dei na ka daw jong ka jingduna ka pisa, hynrei wat hapdeng ka jingeh ka KHADC ka la shim ia ka rai ba wat la ym pat lah ban pyndep pura ia ka hynrei ki jingtei ba don kam eh dei ban dep ha u tei u bnai u ba la mang.
Naka liang jong ka KHADC ka kwah ban iohi ba shuwa ban pynlong ia ka lehkmen kaban long ha u bnai Risaw mynta u snem ka jingtrei ka dei ban dep noh. Ka jingeh ban pyndep ha ka por kaba biang ka dei na ka daw jong ka jingduna jong ka pisa.
U Bah L Blah MDC jong katei ka jaka u ba long ruh u wei na ki EM ha kane ka Executive committee kaba mynta u la ong ba kum u MDC jong katei ka jaka u da kwah eh ban iohi ba kane ka jingtrei kan dep noh kloi hynrei ka jingeh ia ka Council ka long ba ka do ka jingduna pisa. Ka jingmang pisa na ka bynta katei ka jingtrei baroh ka long T. 5 klur tyngka.(SP News)
