Shillong, Nailur 18: Ka 17th North Constituency Committee jong ka seng KHNAM ka pynpaw ka jingsngewsih halor ka jingdawa hiar shuki khlemnongrim ia u president rangbah duh ka seng, khlem ka jingtip jong kiba bun ki dkhot ka Executive Committee ka North Shillong bad khlem ka jingkynjoh ktien ia ki Units. Ha ka jingshisha, shwa ban khot ia kano kano ka jingiakynduh lang bad kiwei pat ki Constituency,ladei ban don shwa ka jingialang tang jong ka EC ka 17th North Shillong ha ka jingiadon ryngkat jong baroh ki dkhot.
Kaba kham sngewphylla ka long ba kumno la pynlong ia kane ka jingialang bad ki constituency kiba dei ki unitrngai, namar ia18 West Shillong bad ka Pynthor Unit ladep ban pynduh shwa ban long ka MLA election 2018. Ka jingpynlong ia ka meeting ha National Dorbar Hall Mawkhar ha ka jaka ban pynlong ha ophis treikam ka seng ka pynpawba ka don eiei sha lyndet jong katto katne ngut.
U bah Strong P Kharjana u la dep ban phah ia ka shithi iehnoh kam sha ka central bodyhaka 25/6/2018 bad u la pyntip ruh ia kane lyngba ki lad pathai khubor ha dien ba u khlem ioh ia ka ticket MDC na 19 Jaiaw Constituency. Lada U kwah ban rung biang sha ka seng, u la dei ban phah da ka jingthoh sha ka Central Body bad sha ka Constituency committee khnang ba ki dkhot kin ioh ban iatai bniah.
Kaba sngewlyngoh ka long kumno u lah ban kam biang ia lade ba u dei u president ka 17th North hadien ba u la dep ban pyrshang wad ticket na kiwei patki party na 19 Jaiaw Constituency. Ka Jingpynskhem president biang ia u Strong P Kharjana ka la long ha ka lynti kaba bakla,khlem ka jingbud ryngtih ia ki kyndon treikam ka seng, iaka ba ngim lah ban pdiang.
La pynlong iaka jingialang da U MLA bad MDC ka seng Bah Adelbert Nongrum ha ka 25/6/18 ha Mission Dorbar Hall bad iaka resolution jong katei ka jingialang bala soi da u MLA bad MDC bah Adelbert Nongrum la phahsha ka CEC bad ka kaiphot jong ki Central Observer jong katei ka jingialangruh la phah sha ka CEC. Na ka liang jong U Secretary ka 17th North U la thok la shukor im im peit peit ia u paidbah halor ki rai jong katei ka jingialang.
Katkum ka kaiphot jong U MLA bad MDC bad ka kaiphot jong ki Observer jong katei ka jingialang ki nongkit kam jong ka 19 Jaiaw Constituency Committee da kawei ka surki la mynjur ban aibor ha ka Central Body ban shim ia karai, namar ar ngut kiba pan ticket na 19 Jaiaw Constitnecy ki dei ki nongkit kam jong ka Central Body.
Naka bynta ka Mawkhar-Pynthor Constituency kam don ka jingshai halor ka rai, ka daw ka long ba tang 45 ngut ki nongkit kam katei ka Constituency ki la ia poi sha ka jingialang bad na ki 45 ngut haduh 18 ngut kim dei ki dkhot lane ki nongkitkam jong ka seng.
Na ka liang jong ka KHNAM seng kmie ka pynremjur ia ka jingleh marwei bad jingleh donbor jong U Secretary ka 17th North Shillong tang ban myntoi ia lade shimet bad ban pynmyntoi ia katto katne ki para lok baia jan.
Kine kiba la pynmih ia kane ka khubor pynthoh bria,ki dei tang ki nongkyrshan jong u MLA bad MDC ki batrei na ka bynta ka myntoi shimet,hynrei kim dei ki shipai jong ka seng ki ban trei na ka bynta ki dawbah u paidbah.ka seng ka pynrem jur ia kane ka rukom pyniaid kam jong u Secretary ka 17th North Shillong Constituency.
Ka Central Body ka don ia ka jingkit khlieh ia ka seng hi baroh kawei bad ki burom ia ka rai jong ka CEC halor ka ticket MDC na 19 Jaiaw bad 18 Mawkhar-Pynthorumkhrah Constituency.
Kala don ka jingpyrshang ban pynthoh bria ia ka seng bad ban ialam bakla ia ki paidbah ha kine ki khyndiat bnai. Naka bynta ban khanglad ia kiriew shim kabu, ka seng kala ladep ban phah ka report sha ka Central Body bad halor ki daw kiba bun la kyrpad ia ka Central body ban pynduh noh shwa ia ka 17th North Shillong Consituency bad ban shim ki lad ban nangpyn khlain ia ka Constituency Committee ha North Shillong. La ong u Bah Mehio Roy Suting nongai buid ka 17th North Shillong Constituency Committee.
