Shillong, Jymmang 27: Ka Tibetan Parliament kaba don mynta ha pdeng ka jingphet rieh kala kyntu ia ki ri jong ka pyrthei ba kin ai ka jingkyrshan ban pynlait ia ka Ri Tibet naka jingsynshar donbor jong ka Ri China,
U Pema Jungney, u ba dei u dkhot jong ka parliament jong ka sorkar Tibet u la ong ba ki kyrpad ia ki Ri jong ka pyrthei ba kin ai ka jingkyrshan da kaba shim ia ka rai ha ka ri jong ki ban ong ia ka ri China ba ka dei ban ainoh ka jinglait luid ia ki Tibetan.
Naka liang jong u tei u dkhot jong ka Parliament jong ka sorkar Tibet kaba don mynta hapdengkajingphet rieh u la ong ba kaei kaei kaba ka China ka ong ha kaba ia dei bad ka Ri Tibet ki long ki jingkren lamler suda.
Ki la dawa na ka United Nation Organization ba kan phah ia ka kynhun jong ka ban wad ia ka jingshisha ia kaei kaba ka sorkar China ka leh ha katei ka jaka. Hynrei kumba ka long haduh mynta kam pat lah ban phah ia ki nonglam jong ka UN.
Ki Tibetan kiba don ha kylleng jong ka pyrthei ki dap da ka jingsngewnguh ia ka sorkar India kaba la ai ka jingkyrshan ha kane ka jingialeh ka jong ki. Naka liang jong ka parliament kan sa leit ban ia kynduh ia baroh ki myntri rangbah jong ka Ri India bad ia ki Lat jong ki jylla ba kyrpad ba kin ai ka jingkyrshan ha kane ka jingialeh ka jong ki. (SP News)
