Shillong, Naiwieng 08: Ka Jaintia Hills Autonomous District Council kala shna ia ka ophis trei kam jong ka ha Shikilo ha East Jaintia Hills District ban buh ia ka ophis trei kam jong ka tnad khlaw ha katei ka jaka ban peit ia ka jingia shallan ia ki mar khlaw.
Katkum ki khubor kiba la ioh ka JHADC kala shu iehnoh ia kane ka ophis khlem pyntrei kam ia ka haduh ba kan da jot thiaw bad mynta kala sah sa tang ka shynrong bad kala pynipang met ia ki paidbah kiba peit ia kane ka ophis jong kaJHADC.
Katkum ki khubor kiba la ioh la ong ba kane ka jaka jong ka JHADC ka dei kaba heh bha bad ka JHADC ka thmu ban pyndon kam ia kane ka jaka da kaba shna ia kane ka ophis jong ka tnad khlad ia kaba khlem pyndon kam.
La ioh jingtip ba naduh ba shna ia kane ka ophis ka JHADC ka khlem pyndon kam ia ka bad haduh ba kan da jot rathai bad mynta sa satang ka shynrong ki kynroh Dewbilat bad ki jingker bad jingtap kila jahlut namar khlem sumar ia kane ka iing.
