Shillong, Jylliew 19: Mynta ka sngi ki kynhun seng bhalang bapher bapher ki la leit ban pynlong ia ka jingrah lama ha khmat ka ophis jong ka Khasi Hills Autonomous District Council ban dawa na ki MDC ba dei ban wanrah ia ka resolution hapoh jong ka iing dorbar ban pyrshah ia ka jingthmu jong ka sorkar ban shimia ki jaka jong ki paidbah.
Ka kong Agnes haba kren ha u SP News Agency ka la ong ba ka sorkar ka don ka jingthmu ban shim haduh 2030 hectares ka jaka kaba dei jong u paidbah na ka bynta ka New Shillong Township, ha kaba ki iohi ba ka sorkar kan sa die kylla pat ia kine ki jaka sha ki riew shimet khamtam sha ki company kiba na bar.
Ka sorkar ka la dep ban shim jaka 370 hectares na ka bynta ka New Shillong Township bad mynta ka dang kwah shuh ban shim ia ki jaka rep jaka riang bad kane ka long pyrshah khamtam ia ki jaka jong ki rit paid kaba nym lah ban shim da ka sorkar. Kine ki jaka ki dei jong ka Riad ha kaba ki paidbah ki rep kai riang.
Ka ne ka jingleit jong ki mynta ka sngi ban pyrshah hapoh KHADC kalong ban pynkynmaw ia ki MDC kiba dang don hapdeng ka jingiashong dorbar ba ia ka District Council la shna hapoh jong ka ain Sixth Schedule ban ia da ia ki rit paid. Ka kong Agnes ka la ban biang da kaba ong “ Ngin nym ailad ban shim ia ki jaka jong ki Riad bad ka sorkar kan die kylla ia ki”.(SP News)
