Shillong, Jylliew 27: U Lyngdoh jong ka Riad Nongkrem u Bah P Lyngdoh u la ong ba kum ka riad kan nym shong kli kti ban iada ia ka khyndew ka shyiap na ka bynta ka jingdon kam jong ki khun ki hajar jong ka Riad Nongkrem.
Halor kane ka jingthmu jong ka sorkar ban shim ia ki jaka jong ka Riad ha Mawpdang, katkum ki riti ki dustur kiba ka riad ka bat naduh ki longshuwa man shuwa ia ka khyndew raid yn nym lah die hano hano ruh namar ka dei ka jong ka Riad naka bynta ka jingdon kam jong ki khun ki hajar. Ban rep ban riang bad ban shna iing shna sem.
Ha dien ba u Deputy Commissioner jong ka East Khasi Hills u la kylli ia ka bor jong u Lyngdoh Riad bad kyntait ia ka jingujor ka jong u na ka liang jong ka Raid ka la leit ban ia kynduhia ki bor jong ka District Council kaba dei peit ia ki riti ki dustur ba kan iada ia ki khyndew ki shyiap.
Na ka liang jong ka raid kan ia leh katba lah ban wad ia ki lad ki lynti kiba dang don hapoh jong kane ka sorkar jylla bad lada kim don shuh ki lad ki lynti ban iada ia ki ki hap ban leit sha ka iinglih iingsaw ban iada ia ka hok jong ki khun ki hajar.
Na ka liang jong u Syiem jong ka Hima Khyriem shen yn sa lum ia ka dorbar Riad ban ia kren ia kane ka kam bad ban khot hajir ia u Sordar jong ka shnong Mawpdang.(SP News)
