Shillong, Jylliew 28: Ka seng BJP Meghalaya State Unit ka la pynrem jur ia kane ka sorkar MUA-II kaba la ialam da u Dr Mukul Sangma namar ba kane ka sorkar Congress kam shym la lah ban wanrah ia ka jingshong suk ha Garo Hills.
Halor ka jingong jong u myntri rangbah ka jylla ba dei ka jingbtah jong ka sorkar ba ki nong bylla ki dei ban mih na Garo Hills, u la ong ba ka dei ka kamram jong ka sorkar ban pynthikna ba ka jingsuk ka dei ban don ha ka jylla.
U general secretary jong ka BJP Dipayan Chakraborty u la kynthoh ba ka jinglong jingman jong ka shong sy\uk shong sain ha Garo Hills ka la sniew palat ha kane ka sorkar MUA-II kaba mynta. Na ka liang jong ka BJP ka kyntu ia ka sorkar ba ka dei ban wanrah ia ka jingshong suk wat la ka dei ban long ha kano kano ka rukum ka jingsuk ka long kaba don kam.(SP News)
