Nongstoin, Nailar 24: Ka jingialang jong ki saw tylli ki seng Bhalang jong ka West Khasi Hills District kiba kynthup iaka HANM, HPSO, WYWC bad ka WPM ka ba la long mynta ka sngi ka la shim ia ka rai ban pynlong ia ka jingpkhang shnong ha ka 27 tarik mynta u bnai bad kan kut ha ka 28 tarik mynstep.
Ka jingpakhang shnong kan sdang naduh ka por 5 baje mynstep jong ka 27 tarikb ad kan kut ha ka por 5 baje mynstep jong ka 28 tarik. La khot ia kane ka pakhang shnong na ka daw ba ka sorkar kam patiaw ia ka jingleh daw jong ki samla passed DCS 2010.
Kane ka pakhang shnong kanlong tang ha ka West Khasi Hills District baroh kawei, kitei ki saw seng ki la maham ruh ia kino kino ki riew shim kabu ki baleh ki kam ha ki kynta jong ka khang surok jong ki seng Bhalang.
La shah tang ia ki kali kit nongpang bad ia ki press. Kino kino ki ba ialeh pyrshah ki seng kim don jingkitkhlieh. Lada ha kane ka kynti ka sorkar jong u Dr Mukul Sangma kam sngap ia ka jing dawa jong ki Candidates 2010 DSC passed ki seng kin sa pynbna syndon da ka jingiakhih ba jur bad ka ban neh slem.
Ka jingkynthoh na ki seng ka leit sha u Chief Secretary jong ka Meghalaya ba balei u shu kular khlem da lah ban pyntikna hato kane ka jingpynpaw jong u lyngba ki kot khubor ka long kum kito ki nong mih khmat kiba kular tang ha ki por election khlem da leh eiei. Ka jingkren jong u Chief Secretary bad jingkular khlem da ai ka jingthoh kiba shai na ka liang ki saw seng kim lah ban pdiang da lei lei. La ong ba kim dei shuh ki khynnah kiba dang shah pynbiej na ka por sha ka por tang ki jingkular khlem ki kam ba paw na ka sorkar.
Lada jia eiei ia ki Candidates passed DSC 2010 kiba shah thngan u Deputy Commissioner, West Khasi Hills District u dei ban shim ia ka jingkitkhlieh kumba ula pynshlur ia ki ban shah thngan. Ki seng kila kyrpad biang ia baroh ki paidbah jong ka West Khasi Hills District ban ai biang ka kti kamon ka kti kadiang kumba ki la leh ha ka 22nd bad 23rd. Bad ka jingkhublei na ka bynta ka jingkyrshan ia kiba la dep kane ka long katkum ka kyrwoh kaba la phah da kitei ki saw seng.(SP News)
