Shillong, Nailar 25: Ka Meghalaya Peoples Human Rights Council (MPHRC) ka la pynpaw ia ka jingsngewdiaw kaba khraw halor ka shim noh ki briew ia la ka jong ka jingim ka jong ki hapoh police station. Ka jingduh ka long kaba ym lah shuh ban leh ei ei. Kine ki jingjia ki jia na ka daw jong ka jingleh sting jong ki pulit ka ong ka MPHRC.
Ka dei ka kamram jong ka sorkar ban peit ba kum kine ki jingsdien phasi jong ki koidi kam dei shuh ban jia ha ki snem ki ban dang wan. Na ka liang jong ki bor ba dei peit ki dei ban leh ia ka postmortem ha ka rukom kaba dei namar ka mukotduma ka shong ha ka kaiphot bad jingbuh ia ki jingthoh.
Lada ym shym la leh bha ia ka ka lah ban long ba ka don ka jingleh buittuh na ka bynta ban biang mano re la kynnoh ka MPHRC bad haba kam biang ka jingthoh kane ka long ba ka dei ka jingpynkhien ia ka hok long briew.
Ka dei ka kam jong ka sorkar ba ka dei ban pyntip ia kum kine ki jingiap hapoh police station ban pyntip sha ka National Human Rights Commission(NHRC) lada kam don ka jingai jingtip ka long ba ka sorkar ka kwah ban buhrieh ia kine ki jingjia.(SP News)
