Bteng ka jingiakhih ka JACATCM da kaba shong kyllain mungor ha baroh ki District

Shillong, Nailur 04: Ki dkhot jong ka seng ki nonghikai hapoh ka lama jong ka seng JACATCM ki la iai bteng ia ka jingiakhih jongki mynta ka sngi da kaba shong kyllain mungor ha baroh ki headquaters jong ki 11 tylli ki District ha ka jylla.

Kine ki nonghikai hapoh ka kynhun jong ka JACATCM ki kwah ia ka sorkar na ka dei ban shim ia ki nonghikai sha ka sorkar, hynrei ka sorkar ka shim ia ki skul sha ka sorkar. Ki nongialam jong ka seng ki kwah ban ia kynduh ia u myntri ban iakren halor kane ka kam hynrei na ka liang jong u myntri u la kyntait ban ia kren bad ki.

Na ka liang jong ka JACATCM ka sngew ba kane ka jingleh jong ka sorkar ka la long kaba khlem da pyrkhat tang ban ia kren ruh kam treh bad na ka liang jong ki nonghikai ruh kim ban se ban bteng ia kane ka jingiakhih ka jong ki bad kin pynkut la shai ka sngi da ka jingialang paidbah ha Madan Malki.

Ki khubor ba ia jan bad ki nongialam katei ka seng ki iathuh ba na ka liang jong ki nonghikai ki kwah ban tip aiu ka sorkar ka don ban ong halor ki jingdawa ka jong ki hynrei haba ka sorkar kam treh ban ia kren na ka liang jong ki ruh kim banes ban pynbor ia ka sorkar da kine ki jingiakhih namar ka jinglong kyllut ka jong ka.(SP News)