Shillong, Risaw 03: U Disparsing Rani la ong ba ka jingpang RTI jong u halor ki jingtei ha Lum Sohpet Bneng ki don ar tylli, kawei kaba u la ioh ha ka 4/7/2022 bad kawei pat ha ka 28/7/2022, kitei ki jingtei dei kiba la bei pisa na ka tnad shangsuwari ka sorkar pdeng.
Haba shna ia ki jingtei ha Lum Sohpet Bneng kala don ka jingiasoi soskular ha pdeng ka seng khasi bad ka Meghalaya Tourism Development Corporation (MTDC) bad ia ka soskular la ia soi ha ka 13/2/2029, na kane ka RTI la shem ba ka jingmang pisa ka long T.18 klur tyngka.
Haba peit na ka jingiateh kular bad ka rukom shna namar katei ka dei ka jaka kyntang la kumno kumno ki kontraktor ki dei ban pyrkhat na ka bynta ka jingbit jignbiang ha katei ka jaka kyntang, ki kontraktor ki long, kaei kaba ym don ka dei ka “Sound and Light Show Gallary” kaba shnong dor T.6.54 klur kane kam don.
Ha ka jingshisha ka jingtrei kaba ha kliar duh jong u Lum ka dei da kawei ka skhim kaba T.40 lak tyngka, leh se ki phah ba kila pyndep ia ka jingtrei da katei ruh ym lah bantip, tangba haba la leit ban wat ym shym la lap ka ong u bah Disparsing.
Ai ia kane kan pynshai ka MTDC bad ka tnad shangsuwari hato kane ka jah shano nga thrai ki lat pathai khubor kin long kum ka jingiarap ia ka seng khasi bad ia u kum u nongwat jingtip shano kata ka jingtrei kaba T.6 klur. Katkum ka soskular shuwa ban aiti katkum ka kyndon kaba 5 bad 11 dei ka seng khasi ban ai ia ka syrnot ba la pyndep ia ka jingtrei.
Katkum ka RTI kala kren ba ka jingmang pisa ka long T.82.54 lak tyngka, ha dien bala ioh DPR na MTDC mynneh la leit sha Lum Sohpetbeng ban jurip ia ki 22 tylli ki jingtei ha katei ka jaka,ka long kaba sngewsih ba ka iing kaba kham heh kala jaw um kane ka long kaba sngewlyngoh.
