Shillong, Nailur 14: Mynta ka sngi ha ka por 4.30 baje mynstep ki briew kiba ym lah ban tip ki la leit ban thang ia ka ophis jong ka Nehru Yuva Kendra kaba don ha Nongstoin jong ka West Khasi Hills District .
Ha kane ka jingjia ki jingkhang jong kane ka iing ki la julor bad ki kot ki sla jong kane ka ophis lem bad ki miet ki shuki. Na ka liang jong ki pulit ki dang tohkit ban lap ia ki nongleh ia kane ka kam sinew.
Ha ka miet 13 tarik mynta u bnai ki briew kiba ym lah ban tip ki la leit ban thang ia ka jaka buh tiar jong ka ophis ka PWD ha Khliehrait ha kane ka jingshah thang kane ka jaka buh tiar bun ka la julor.
Ha khliehriat hi ki briew kiba ym lah ban tip ki la leit ban thang ia ophis jong ka Block development, hynrei da ka jinglap biang por jong ki briew la lah ban pynlip ia ka dieng ha kaba kane ka ophis ka la lait na ka jingjulor.(SP News)
