Shillong, Risaw 31: U President jong ka Congress Ri Bhoi District u bah u bah Rocky Marwein u la mih noh na ka seng bad leit ban pyniasoh bad ka Voice of the People’s Party ha ka jingialang kaba la long ha ka sngi thohding ha Auditorium Hall ha Umsning ia kaba la pdiang burom da u president ka seng u bah Ardent Basaiawmoit.
Ha kane ka jingleit pyniasoh bad ka party VPP ym shym leit marwei hynrei rungkat ki nongkyrshan ki jong u kiba dei na Umsning MLA Konstitwensi bad iaki ruh la pdiang burom hapoh ka party ha ka jingiadon lang ki nongialam ka party VPP.
Haba kren ha ka jingialang u president ka seng u bah Ardent u la ong ba kane ka jingwan rung u bah Rocky sha ka party ka mud ba kin ai tiket elekshon hynrei shuwa ba un wan rung ka party kala peit bha bad bisahr bniah ia une u rangbah namar u la wan ban ia kynduh khlem da pan tiket.
La iathuh ba ha ka por ba ia kynduh u la ong ba u kloi ban ia treilang na ka bynta ki paidbah bad nalor kata ai ka party kan sa bishar bniah ia u ne ka shuwa ka elekshon MLA bad ki paidbah kiba wan sha ka jingialang kim dei ban long tang ki nongnud hynrei dei ban long ki nongialam namar ka party ka don kam ia ka shynshar paidbah kmba la jied da ki paidbah.
Ha kane ka sngi da ki spah ngut ki nongkyrshah u bah Rocky bad ki nongkit kam ka party VPP kila poi sha kane ka jingialang paidbah ban pdiang burom ia u tei u rangbah bala pyniasoh bad ka party VPP.
