Shillong, Nailur 19: Ha dien ka rai jong ka sorkar MUA-II ha kaba ia dei bad ka jingialeh ban teh la kam ia ka jingwan tuid jong ki bar jylla sha kane ka jylla Meghalaya na ka liang jong ka East Jaintia Hills, District Congress Committee ka la ai ka jingkyrshan ia u myntri rangbah ka jylla halor ka nongrim kaba u ieng ha kaba ia dei bad ka ILP.
Ha ka khubor kaba la phah da u president jong ka East Jiantia Hills DCC u Bah Shitlang Pale u myntri barim jong ka sorkar jylla u la ong ban a ka liang jong ka seng Congress kaba dei na katei ka District ka la ia kynduh lang bad ia kren ia kane ka kam ha kaba ia dei bad ka ILP bad ka jingmih na kane ka jingiakhih jong kine ki seng bhalang kiba dawa ia la ILP.
U tei u president jong ka East Jiantia Hills DCC u la ong ba kane ka jingdawa jong ki seng bhalang bad ki seng sain pyrthei kam don dor ei ei ruh em ha ka jingshisha namar ki la don ki lad ki lynti ban iada kum ka Sixth schedule kaba la ai shibun ka bor ban iada ia ka jingwan jong ki briew ban a bar.
Na ka liang jong ka DCC East Jaintia Hills ka kyrpad ia ka sorkar ba ka dei ban dang ai bor shuh ia ki ain kiba la don mynta ban iada ia ki rit paid jong ka jylla Meghalaya.(SP News)
