Tura, Sept 27: Katba ka jingiakhih na ka bynta ban dawa na ka sorkar ba dei ban pyntreikam noh ia ka ILP ha kane ka jylla baroh kawei na ka liang jong ki nongialam ha Garo Hills ki la bun kam ban pynkhreh ia ka 30 tarik ka sngi ban kynmaw burom ia ki 9 ngut kiba la khlad noh ha ka jingiakhih halor ka MBOSE.
Ha kane ka sngi na ka liang jong ka committee kaba dei peit ia kane ka sngi ban pyndon burom ia kitei kiba la khlad noh ki la dawa na ki bor ba dei peit ia ka District ba dei ban ai shuti shiteng sngi ban ailad ia ki paidbah ba kin ia don bynta lang ha kane ka jingkynmaw burom ia ki 9 ngut kiba la khlad noh.
Lah ban pynkynmaw ba ha katei ka jingiakhih ban pynneh ia ka ophis jong ka MBOSE ha Tura san ngut ki briew ki la duh ei ia la ka jong ka jingim ha Williamnagar bad saw ngut ha Tura. Ia kane ka sngi la kynmaw burom da ki paidbah bad la pynlong ia ka jingbuh syntiew kaba man u snem.
U Secretary jong ka “Peace Committee” U Adinson Ch Momin u la kyrpad ia baroh ki seng bhalang kiba la pynlong ia ki jingiakhih ba kin pynlait ia katei ka sngi 30 tarik ban ioh ia lad ban pyndon burom ia kiba la khlad ha katei ka jingiakhih MBOSE. Wat la ka jingiakhih halor ka ILP ka dang jur ha baroh kawei ka jylla.(SP News)
