Shillong, Jylliew 15: Mynta ka sngi ki pulit jong ka East Jiantia Hills District kila ioh ban kurup haduh 631.37 gram u heroin na ki ar tylli ki kali kiba la wan na Assam bad la kemr uh ia ar ngut ki briew haba ia dei bad kane ka kam khaii drok.
Katkum ka jingiathuh ki pulit jong ka East Jaintia Hills ha dien ba ki la ioh ia ka jingtip kaba thikna kila pynlong ia ka jingap ktem ha kaba kila ioh ban bat Shokhothang Touthang 41 snem ba shong ba sah ha Imphal Langol Manipur bad na ka kali kaba u shong la ioh kurup 278.03 gram u heroin.
Ki pulit kil ioh ban kurup haduh 26 tylli ki synduk sabon, ar tylli ki mobile phone bad ka pisa T.2100/- tyngka ia u tei u briew la ioh ban bat ha ka jaka ba kila pynlong ia ka jingap ktem ha BMS Fuel Station Nongsning bad ia ka ejahar la register hapoh Khliehriat Police Station.
Ha kane ka juh ka jan miet ki pulti kila bat ia kawri ka kali Mahindra Scorpio kaba don ia u number MZ01-D-6525 ha BMS Fuel station Nongsning, ha kane ka kali la don tang u wei u briew bala tip kyrteng kum u Sujit Paul na kane ka kali la ioh ban kurup 353.34 gram u heroin ia ka ejahar h register ha Khliehriat police Station.
Ki pulit kila ong ba ia une u drok la thmu ban pynpoi sha Shillong u Sujit Paul 31 snem dei na Karimganj Assam, na u la ioh ban kurup 2 tylli ki mobile bad ka pisa T.4,700/- tyngka bad ia ka kali.
