Shillong, Risaw 02: Ka kynhun jong ki draibar kiba la pass ia ka examin DSC kaba la pynlong da ka East Khasi Hills District selection kila ong ba baroh ki dribar kiba la pass ia kane ka kam niah kali ki dang sah sa 25 ngut bad kaei kaba ki tip ka long ba tang ha kane ka nongbah Shillong ki don 10 tylli ki kam kiba lait.
Haba kren ha ki nongthoh khubor mynta ka sngi ha Shillong press club u nongkhot ia kane ka jinglum lang ia ki draibar kiba la pass ia ka examin DSC ha u snem 2012 u Bah Ezra Namsaw u la ong ba ki dang don 25 ngut kiba la dang sah mynta khlem pat ioh kam sorkar.
U Bah Namsaw u la ong ba ia kane ka result la pynbna ha u Naitung 2012 bad la pynpass 45 ngut baroh na kine tang 8 ngut la thung kam bad ha dien kane la sangeh noh. Haba ki la ia kynduh ia u Deputy Commissioner jong ka East Khasi Hills, ka jubab kaba ki ioh ka long ba ia ki kam ba lait la don briew.
Haba ki la pan jingtip lyngba jong ka “Right To Information” (RTI) ha bun na kit and sorkar, kum ka PHE, Health, Animal Husbandry & Veterinary, Forest, Agriculture, Horticulture ki la lap ba ki dang don ki kam kiba lait haduh 12 tylli.
Na ka liang jong ki trei ki draibar kiba la pass ia ka examin ki la sngewkhia jur ba ioh ka kut noh ka por bad ki lah ban nym ioh kam sorkar shuh. Ki kyrpad ia ka sorkar ba kan sngewbha ban pynjlan lem ia ka porn a ka bynta jong ki. (SP News)
