Shillong, Risaw 07: U MLA jong ka jylla Meghalaya u John Leslee K. Sangma u la ong ba ha ki tamasa jong ka sorkar ia ki jingrwai hindi ym dei ban pynrunglang namar ka jingthmu jong kine ki tamasa kiba la bei pisa da ka sorkar ka long ban kyntiew ia ka riti dustur jong ki rit paid.
U tei u MLA u la ong ba ka jingshisha ka long ba ha kum kine ki jingleh kmen jong ka sorkar ka long ban ai ia ka lad sha ki trai shnong ba kin pyni ia la ka jong ka sap ka phong ka jong ki, hynrei ka ha ka juh ka por ym shym la ong ban khang pat ia ki jingrwai hindi.
Haba jubab ia katei ka phang ia kren hapoh ka iing dorbar thawain ak jylla na ka liang jong u myntri rangbah ka jylla u Dr Mukul Sangma u la ong ba ka tamasa tlang kaba ka sorkar ka juh pynlong ka long ban pyni sha ka pyrthei ba kum ki jaid bynriew rit paid ki don la ka jong ka tynrai bad kum kane ka jingleh kmen ka long ban wanrah ia ka jingiatylli hapdeng ki para briew.
Ha ka juh ka por ha kum kine ki jingleh kmen ka long ruh ka lad ia ki briew ba kin ia kynduh ban ia ioh ia ka lad ha kaban kyntiew ia ka khaii pateng namar la juh pyni paidbah ia ki ha kum kine ki jingleh kmen.
Haba ia dei bad ka jingkylli ba kumno la leh ia ka wan Rnaikor ban khring ia ki nongwan jngohkai pyrthei na ka liang jong u myntri rangbah u la ong ba la tei ia ka ing basa ha katei ka jaka ba ki briew kin ioh ia lad ban sah ha kapor ba ki leit don kam.(SP News)
