Shillong, Nailur 02: Mynta ka sngi 02/Nailur/2026 ki nonghikai ka Meghalaya Vocational Teachers bad Trainers Union (MVETU) kila pynlong ia ka jingiakhih ha ka sien kaba ar ban pynsngew sha ka sorkar jylla ia ki jingeh kaba ki nonghikai kiba hikai treikam ki iakynduh.
U President ka seng u bah Aibansuk Suchiang haba kren ha ki lat pathai khubor u la ong ba ka jingwan jong ki ban iakhih mynta ka sngi ka long ban pynkynmaw ia u myntri rangbah ka jylla namar ba u la klet ban khot ia ki sha ka jingialang hadien ka jingkular jong u bad kane ka long ka jingpynkynmaw ba un khot ia ki sha ka jingiakren.
Ki nonghikai ha kane ka phang babun ki dei kaba ki hikai ia ki khynnah da kaba pyni nuksa ha ka subjek kaba ki shim kata ka long 30 marks ka dei ka jingbatai, 50 marks ka dei kaba ki hap ban trei hi ki khynnah bad 20 marks ka dei kaba ki ai na ka jingpeit ki nonghikai ia ka jinglah jong ki.
Haba iadei bad kane ka jingdawa ka jong ki ki buh ha ka jingstad jong ka sorkar, bad hadien ba sorkar kala dep ban pynkhreh kin sa peit lang kiba bun na kine ki nonghikai ki dei kiba hikai ia ki khynnah klas Nine bad klas ten.
Haba iadei bad ka jingsiew kaba ki ioh kiba la hikai lai snem shaneng ki ioh T.24,000/- hajar kiba hikai pat ia ki klas 9 haduh klas 12 ki ioh T.30,000/- ia kane ruh ki dang ioh dang shen,kum ki nonghikai ki aiti ha ka sorkar ba kan pynwandur ia ka rukom siew ia kane ka rukom hikai.
U President u la ong ba kin ai por shi bnai ia ka sorkar ba kan khot ia ka jingiakren bad lada kam khot kin sa iakren hapoh ka Union namar kane ka jingdawa kam dei shuh kaba thymmai namar ba ki, ki kwah ban pynbeit haba iadei bad ka jingsiew namar ki ngeit ba kajuh ka kam ba ki trei ki dei ban ioh kajuh ka jingsiew.
