Shillong, Jymmang 04: U samla Starwel Ronghang u khynnah skul jong ka St Paul’s Higher Secondary School Nongpoh, Ri Bhoi District u la ioh iaka kyrdan kaba khyndai haka thup jong ka Top 10 ha ka result bala pynbna da ka Meghalaya Board of School Education haka Higher Secondary School Leving Certificate 2026.
Ka Skul St Paul Higher Secondary School Nongpoh kila pdiang burom ia u Starwel Ronghang naduh na khyrdop jong ka skul ryngkat ka jing pynkup burom da ka jain kum ka jing pdiang burom daka jingkmen.
Haba kren ha ki lat pathai khubor u Starwel u la pynpaw nyngkong ka jingsngewnguh bad ka jing khublei iaki Nonghikai jong ka skul ba kila ai ka jingnang jingstad ia u ba u la poi haduh kane ka bynta ban wan shakhmat haka jing pule ka jong u.
U la ong ruh ba ha shwa ban sdang ka exam HSSLC u la pynlut por ialade ban khreh kot haduh 10 haduh 12 kynta haka shi sngi bad u don ka jing angnud ban bteng iaka jing pule haka subject Political Science, Sociology bad ka Bachelor of Law bad un sah rai ha kine ki sngi ba un sah jied kawei na kine ki jingpule.
U samla Starwell u don ka jingangnud ba ynda la pyndep iaka jingpule haka Bachelor Degree ba un pynkhreh ialade haka Exam UPSC lane ka Civil Service Examination, u ai mymsiem ruh iaki khynnah skul kiba dang pynkhreh iaka exam ka jong ki ba kin long kiba trei shitom namar khlem ka jing trei shitom yn nym poi sha ka thong jong ka jingjop haka jing pule.
U la iathuh ba ka jingjia ba sngewsieh kala jia ha u ing jong shibnai shuwa ban thoh iaka phainal eksam haka SSLC ba ka kmie jong u kala khlad noh. Bad ha shwa ba ka kmie jong u kan khlad u la ong ia u ba un khreh kot khnang ba un wan shakhmat haka jingpule ka jong u bad kita ki kyntien kiba khatduh kaba kren ka kmie ia u kala pynkynmaw sah ia u haduh ba un da poi ha kane ka kyrdan kaba mynta.
U ai khublei ruh iaka samla Retina Hanse kaba la bam kwai ha dwar u Blei kaba dei ka shipara arkmie bad u kala ai mynsiem ia u man ka sngi ha shwa ba kan khlad namar ba ka kwah u para jong ka ba un long u heh Sorkar.
Ka Sister kala Ong ba mynta u snem kila don haduh 175 ngut ki khynnah skul ha St Paul Higher Secondary School Nongpoh na kitei ba pahil dei tang u wei bad u pat dei ba la ioh kam noh.
