Shillong, Nailur 12: Mynta ka sngi u Chief Executive Member jong ka KHADC u bah Titosstarwell Chyne u la khot ia ka jingialang jong baroh ki MDC ka iing dorbar jong ka KHADC kiba kynthup na synshar bad ka liang pyrshah.
Haba kren ha ki lat pathai khubor ha dien ba la kut ka jingialang ki MDC u CEM la ong ba kila shim ia ka rai ban pyrshah ia ka rai ka kabinet ban pyntrei kamia ka CPC bad CRPC ha ka jylla Meghalaya.
Ka jingialang kala shim ia ka rai ba kum ka kynhun mynta ka taiew kin leit ban ia kynduh ia u myntri rangbah ka jylla u Conrad K Sangma ban pynpaw ia ka jingpyrshah ia ka rai jong ka kabinet ban pyntrei kam ia ka CPC bad CRPC ha ka jylla.
Ha kane ka jingialang la shim ia ka rai ban leit ban ia kynduh ia u Lat ka jylla namar ki iing bishar jong ka District ki ioh bor lyngba ka Sixth Schedule kaba dei ka constitution jong ka Ri India bad leh se namar ka sorkar ruh leh se ka ioh na ka constitution dei halor kane kin pynsngew ha u Lat.
Ka jingialang kala rai ban khot ia ki khlieh nongsynshar kiba don ia ka bor bishar bad ia ki rangbah shnong ruh halor ka jingmih na kaei kaba ka sorkar kala shum ia ka rai kitei ki dei ki rai kiba la shim da ka jingialang.
Haba ia dei bad kiar tylli ki District Council ka JHADC bad ka GHADC, kila ai ka jingkulae ba kin pdiang ia kaei kaba ka KHADC ka shim ia ka rai ban ia pyrshah ia ka rai jong ka kabinet ban pyntrei kam ia ka CPC bad CRPC ha ki jaka jong ki rielwum.
Ha kane ka jingialang ki liang pyrshah kaba la ialam da u bah PN Syiem kila wan ban iashim bynta lang ha kaba ki ruh kila pdiang ia ka rai ban pyrshah ia ka rai jong ka kabinet jong ka sorkar jylla.
