Shillong, Nailur 18: Ha ka sngi saitjain ka kynhun ki samla ka shnong Iooksi Pyllun kiba kynthup iaka Iooksi Iapkhla, Iooksi Priang, Iooksi Umdeinlin, Iooksi Kyanmynsar bad Iooksi Tongkiad ki la ia lum lang shi jaka ha iing dorbar ka Iooksi Thlongmoo naka bynta ban ia pyrkhat iaki kam kiba iadei bad ka jingthmu iakhun elekshon jong u ma Nehemaya Tyngkan.
Lah ban pynkynmaw ba u bah Nehimaya Tyngkan udei u kyrtong jong ka seng Congress uba ia iakhun la arsien kynthih mynta na katei ka juh ka party napoh 4- Mowkaiaw Constituency.
Haka jingialang jong ki Samla ka shnong Iooksi Pyllun ha ka sngi saitjain, la ioh ban kren na shibun ki samla ka shnong kiba la ai jingmut bad bad kiba la kyntu iaki paidbah ban kyrshan tylli ia u ma Nehimaya Tyngkan khnang ba ka jingthmu bad jingangnud jong u ban shakri iaki paidbah kan urlong.
Ki samla ki la lum synniang ruh para samla kaba kot ka bor da kaba thmu ban ia kyrshan lang iaka kam iakhun elekshon jong u bah Nehemaya Tyngkan.
Haba ai jingkren naka liang u samla Nangaibormi Sutnga ula ong ba ka jingkylla haka synshar hi kan wan tang lada ki paidbah nongthep vote ki sngewthuh iaka jingdonkam ka jingsynshar kaba khuid.
Ban ioh ia ka jingsynshar kaba khuid don kam shuwa ban kiar shwa ialade naka jingshah thied tad dor haki bor ka pisa. Katba dang iaid ki por ka jingiakhun elekshon ka nang rem dor nang remdor bad kan sa poi ka por ba u kyrtong uba thrang shisha ban shakri iaki paidbah un nym nud ia aireng shuh tang namar ba u wan naka longiing baduk.
Kumba ka long mynta yn nym don jaka ia uba duk haka kam sain hima sima la ong u ma Nangaibormi Sutnga. Haba ai khublei iaki samla ka shnong Iooksi Pyllun halor ka jingia noh syññiang jong ki sha u Ma Nehemaya Tyngkan ula ong ba lada baroh ki nongshong shnong ki don iaka mynsiem kaba kum kane, khlempep kin sa ioh iaka jingsynshar kaba khuid kaba khlem da leh shilliang khmat bad lehbor.
Hakane ka sngi la aiti iaka pisa kaba haduh 14070 tyngka sha u ma Nehemaya Tyngkan da u samla Lovelast Lathong u shongknor ka Kynhun ki Samla Ka Shnong Iooksi Pyllun.
