Shillong, Naitung 22: U bah Dapkupar Nongrum u wei na ki aktor ba ak ha ki phlim khasi mynta ka sngi 22/Naitung/2026 u la mih sha khmat ban rah plakard ha Khyndailad ban pynpaw ia ka jingsngew pyrshah jong u ha kaba iadei bad ka jinglait tuh ki jingkylli ka National Eligibility cum Entrance Examination (NEET) kaba la ktah ia ki lak ngut ki samla pule.
Haba kren ha ki lat pathai khubor u bah Dapkupar u la ong ba kum u wei na ki nongshong shnong u don ka jingsngewkhia ia ka jinglait tuh ki jingkylli bad kane ka long kaba ima bad kane ka jingleh jong u ka long ban pyntip sha ki paidbah ia kaei kaba la jia hynrei ka sorkar kam sngap bad u la kynnoh ba kala leh donbor bad kane ka long kaba sngewsih.
Ka long ka jingangnud jong ki paidbah ban ioh ia ka rukom pyniaid ia ki eksam ha ka rukom kaba biang hynrei haba peit ia kaei kaba la jia ha Delhi la shu bom beit la shu tied beit ia ki khynnah haba iohi ia katei ka jingjia kala pynlong ia u kum u riew shimet ban pyrkhat ia ki khun ki kti bad u la ong ba uwei pa uwei u nongshong shnong ka ri India u dei ban pyrshah ia kane khnang ba ka lawei ki khun ki kti kin ioh ia kaba bha.
U la ong ba lada kim ia khih ha kum kane ka por lano pat kin ia khih namar ba kane ka sorkar BJP ka la leh donbor la kynnoh u bah Dapkupar bad kane ka dei ka por ban ia mih kum ki nongshong shnong jong ka ri India, u bah Dapkupar u dei u ba shong ba sah ha kane ka nongbah Shillong.
