Shillong, Risaw 15: Ban nang pynjanai shuh shuh ia ka pule puthi hapoh ka Shnong Umsawnongbri ha Ri Bhoi District ha ka 14/Risaw/2026 u MLA ka Nongpoh Constituency u bah Mayralborn Syiem u la buh ia u Mawnongrim ban shna ia ka iingskul kaba thymmai jong ka Umsawnongbri Government L.P skul ha ka jinglut kaba T.70.18/- lak tyngka na ka skhim Mission Education jong ka sorkar jylla
U MLA ha katei ka sngi u la ai ruh ia ka kot pyntreikam sha ki Nongialam Shnong jong ka Shnong Umsawnongbri, ha kane kajuh ka sngi la plie paidbah ruh ia ka Auditorium Hall jong ka Shnong Umsawnongbri kaba la mang kyrpang napoh ka skhim jong ka SRWP.
Ha kane ka jingbuh ia u Mawnongrim la iadon lang u Deputy Commissioner ka District Ri Bhoi u Dr Abhishek Saini kum SDSEO u P. Yadav u rangbah shnong ka Umsawnongbri u Bah Mishon Tron ki Rangbah Shnong kiba marjan ki nongialam Raid ki paidbah nongshong shnong bad ki khynnah skul.
Haba ai jingkren na ka liang u MLA u la ong ba dei lyngba ka jingshimkhia jong ka sorkar jylla ba la ioh ban buh ia u Mawnongrim ban tei ia ka ing skul kaba thymmai jong ka Umsawnongbri Government L.P Skul bad u la ong ruh ba kila lah ban sdang noh ka jingpyntrei ia kane ka iingskul kaba thymmai.
U MLA u la ong ba ka jingtei ia kane iingskul kan long ka jingkyrkhu kaba khraw na ka bynta ki longing kiba wan na ka longing kiba duna ha ka ioh ka kot ha kaba kin ioh ban phah ia ki khun ban pule ha kane ka skul Umsawnongbri Government L.P Skul.
