Shillong, Jymmang 15: Ka Dr Katherina Marbaniang ka ba dei ka Senior Medical Specialist Incharge Dialysis ha Shillong Civil Hospital mynta ka sngi ka 15 tarik u Jymmang 2024 ka la pynshai ba ka jingbymlah ban ai jingsumar dangshen ia ki nongpang ki ba don kam ban leh ia ka Dialysis kadei namar ka jingsniew jong ka RO plan ka badei ka machine ka ban pynkhuid ia ka um.
Ha ba ioh ban ia kren bad ki nongthohkhubor na ka liang ka Dr Katherina Marbaniang ka la ong ba kane ka machne ka la sniew noh ha ka ka janmit jong ka 2 tarik u Jymmang 2024 bad hadien ka jingsniew noh jongkane ka machine na ka liang ki Engineer ki la lah ban repair noh bad na duh ka 10 tarik jong u Jymmang na ka liang ki bor jong ka Hospital ki la lah ban pyntrei kam kum ba juhlong.
Ka Dr Marbaniang ka la ia thuh ruh ba ha kine ki sngi ba kane ka machine ka dang sniew na ka liang ka Hospital ka la bthah ia ki nongpang ba ki lah ban leit phah sumar shwa sha kiwei kiwei pat ki Hospital. Ka la ongruh ba ha dien ba la dep ban shna pat ia kine ki machine na ka liang ka Hospital ka la phah ia ka jingtip sha ki ba kilah ban wan pat ban shah sumar ha Civil Hospital Shillong.
Ka Dr Marbaniang ka la batai ruh ha ka ba iadei bad ka jingsniew jong kine ki machine ha ka ba ka la ong ba ka jingsniew jong ka RO ka ba dei ka machine ka ban pynkhuid ia ka um ha shwa ban leh ia ka dialysis ia ki nongpang.
Ka la ongruh ba ha dien ba na ka liang ka Hospital ka la ioh ia ka jingkular ba na ka liang ka sorkar kan sa ai pat da ka machine ka ba kham heh ha ka ba kane kan lah ban iarap ia ka Hospital ha ka ban ai ka jingshakri ka bap aka tam sha ki paidbah.
Ka Dr Marbaniang ka la pynshai ruh ba ka jingbym lah ka Civil Hospital Shillong ban pdiang shibun ki nongpang ha ka shi sngi ka daw ka dei namar ka jingduna ki machine ban sumar bad kumjuhruh ka jingduna ki jingthiah ha kane ka hospital bad kumjuhruh ka jingshim por ha ka ba iadei bad ka jingleh ia ka Dialysis.
Ka Dr Marbaniang ka la pyntip ruh ba ka jingduna jong ki staff ha poh kane ka unit ka dei kawei na ki daw ba kane ka Hospital kam lah ban pdiang kham bun ia ki nongpang.
