Shillong, Naitung 26: Ka sorkar Meghalaya kala ai da ka map sha ka sorkar Assam halor ki 12 tylli ki jaka kiba ka Meghalaya ka kam ba ki dei hapoh u pud u sam jong ka jylla Meghalaya.
Ki khat ar tylli ki jaka kiba ka Meghalaya kala kam ba ki dei ki bynta jong ka jylla Meghalya ki long ka, Tarabari, Gizang, Hahim, Langpih, Borduar, Boklapara, Nongwah-Mawtamur, Khanapara-Pillangkata, Desh Doomreah, Block-I-Block-II, Khanduli-Psiar, Ratacherra.
Ka sorkar Meghalaya kala jer ruh da ki kyrteng jong ki shnong kiba hap hapoh kitei ki jaka kiba ka jylla Meghalaya kala kam, halor kane ka jingkam ka sorkar Meghalaya kala pynskhem ruh da ki sakhi satar ban pynshisha ia ki jingkam ia kitei ki jaka.
Ha ka jingiakynduh kaba la long ha pdeng u myntri rangbah ka jylla Meghalaya u Conrad K Sangma bad u Himanta Biswa Sarma kaba la long ha Shillong, u myntri rangbah ka jylla Assam u la ong ba ka sorkar Assam ruh ka kam ia kine ki jaka ia kaba don kam ban ia pynbeit da ka jingiasngewthuh jingmut.
Kumba la pynbna ha ka 23/7/2021 ba ka jingiakren kam pud kan long biang ha Assam ha ka 6/8/2021 ha Assam. Kane ka jingiakren kan dang bteng ha kaba ia dei bad ka jingiapynbeit pud pynbeit sam ha pdeng kine ki ar tylli ki jylla.
