Shillong, Nailar 08: Ka Meghalaya State Rural Livelihoods Society (MSRLS) halor ka prokram Har Ghar Tiranga 2026 ha kaba kane ka prokram kan long naduh ka 9 haduh ka 17 tarik u Nailar, 2026 ban pynher ia ka lama jong ka Ri India ha ki tnum iing.
Ka thong jong kane ka prokram ka long ban pynsaphriang iaka jingieid ri da kaba pynieng iaka lama jong ka ri ha man la ki iing bad ki ophis, kaba pyniasoh ruh bad ka jingshisha ba kane ka dei ka sngi pynkynmaw kaba 150 snem jong ka jingrwai ri Vande Mataram.
Ki jingpynkhreh ba kongsan hangne ka long ba u Myntri Rangbah ka jylla Meghalaya, u Conrad K. Sangma un pynher iaka lama jong ka Ri ha ka 14 tarik u August, 2026 ha Ri-Bhoi District ryngkat ka National Handloom Day. Ka sorkar kan pyndonkam kyrpang da ki lama ba la shna da u sai Eri silk na ka bynta kane ka aiom.
Baroh ki tnat sorkar kin shim bynta ban pynbeit iaki rynsan bad ki jaka nion dur ha man la ki ophis, katba ki kynhun ia treilang ki kynthei bad ki nongshnong shnong kin thain bad pynbiang iaki lama ba ki paidbah ki lah ban thied.
Ki paidbah nongshong shnong ka Meghalaya ki lah ruh ban shim bynta da kaba shondur Selfie bad ka Lama bad up-load ha ka website harghartiranga.com.
