Shillong, Nailar 30: Ka tnad pynroi sor ka sorkar Meghalaya kala dep ban pynkhreh ban ia ka Mini Urban Haat ha shnong Dympep kaba hap hapoh ka jingpeit jong ka Sohra Civil Sub Division.
Ia kane ka skhim la bei pisa lyng ka Tnad thain jain ka sorkar pdeng kaba la dep ban ai ia ka jingmynjur jong ka hynrei ka sorkar jylla ka hap ban thep shuwa ia ka bha jong ka kaba 10% khnang ba ka tnad thain jain ka sorkar pdeng kan pynlait ia ka pisa.
Katkum ka jingpynkhreh ka sorkar jylla ban shna ia kane ka iew, Mini Urban Haat ha Dympep kala kot sha ka T.7.5 klur tyngka bad ka sorkar jylla ka hap ban bei 10% kaba mut ka sorkar jylla ka hap ban thep T.75 lak tyngka ban ioh sdang ia ka jingtrei.
Ka tnad pynroi sor kala pan pisa shuh T.75 lak na ka iing dorkar ha kane ka dorbar synrai kaba dang shu dep bad ka iing dorbar ruh kala pynlait ia kane ka pisa ban thep iaka bhah ka sokar jylla ban ioh sdang ia ka jingtei.
