Shillong, Jylliew 18: Mynta ka sngi ka State Disaster Management Authority (SDMA) kala pyntip ba ha kine ki phra sngi naduh ka 10 haduh 18/ Jylliew / 2024 na kila don ar ngut ki briew kiba khlad ha ka jingpynshah pynjulor ka mariang ki don ar ngut.
Kiba khlad la tip kyrteng kum u bah Probino Warbah 48 snem na ka shnong Tynring East Khasi Hills District, la ngam ha um ha ka 7/6/2024 bad la ioh ban sei ia ka met jong u ha ka 10/6/2024 ha Umrynjah. Wei pat bah Kantly Maram 49 snem na ka shnong Nongkroh Rambrai na West Khasi Hills District.
Ki shnong kiba la shah ktah ha kane jingjur jong u slap ki long 42 tylli, ki iing kiba shah pynjular ha ka jinglynshop ka mariang ki long 18 tylli ha kylleng ka jylla, ki jingtei kiba la shah pynjot ki long 17 tylli bad ka jingduh ki jaka rep ka long 4.45 akar.
Ha kane ka jingslap lynter bun ki surok kila duh na ka daw jong ka jingtwa khyndew ha kylleng ka jylla bad bun naki iing kiba la shah pynjulor dei a ka jingshah bam khyndew lane kila khyllem na ka jingtwa khyndew.
Na ka liang jong ka SDMA ha dien ba la ioh ia ka jingmaham na ka IMD kala pyntip sha ki paidbah lyngba ki lat jingtip baroh ban kyntu ia ki paidbah ba kin long kiba husiar ha kane ka por lyiur ban pynlait na kano kano ka jingmynsaw.
Ha ka juh ka por jingtrei ban pynkhuid ia ki surok kiba shah khang lynti na ka daw jong ka jingtwa khyndew kala dang iaid sha khmat ha ki ban bun ki jaka jong ka jylla haduh mynta ka sngi.
